تلاتين سنة سكوت

الكل مهموم زعلان على حاله بس مكتوم

بنتكلم مع بعضنا بصوت واطي او نتكلم فى سرّنا

بنقول متكتفين و بقبضة من حديد محكومين

يطلع راجل همام من وسط القوم ويقوم وسط الزحام

يقوم يقول ويصرخ بعلو الصوت اتكلموا ثوروا واغضبوا

متخفوش من حاجة اتكلموا كله الا السكوت

لو سكتنا عالجبروت

اكيد من سكوتنا يوم هنموت

ولم يطلع ده الجدع ويصرخ من شدة الوجع

مش بيصرخ من وجعه ده بيصرخ من وجع بلده

برغم الالم واحساس اننا مش بشر احساس

اننا غنم

تلاقى الناس تعمل ودانهم واحدة من طين والتانية من عجين

ويقولوا للجدع اسكت هى مالها البلد

سيبنى فى حالي عاوز اربى الولد

وطول ماحنا ساكتين على الظلم والجبروت هنفضل متهانينن

ومحدش يقول الحمد لله احنا عايشيين

لان الحقيقة اننا ميتيين

متهانين

وبالنسبة للمتقدمين احنا مش بنى ادميين

لازم نكسر الخوف ونتكلم

نثور ونغضب وبصوت عالي نقول اه بنتألم

نحارب بايدنا الجبروت

كفاية تلاتين سنة سكوت

ونقولها للظالم باعلى صوت

هنشيلك من على الكرسي ومش هيمنعنا الا الموت

اغضبي

اغضبي ثوري واغضبي

احنا اللى ظلمناكي اغضبي

من تحت رجلينا ارضك زلزلي

اقسي علينا يمكن مثل الجدود نعود جربي

اقسي وهسامحك وهفضل فيكي وليكي مهما تعملي

بنفول على طول اننا فى المحنة رجالة

شدي شوية علينا يمكن منطلعش رجالة

ونطلع شوية غثاء شوية عيال وعليكي عالة

قومي من سكونك وانتفضي وقولي للظلم لا واصرخي

انهضي وحاربى جبروت الظلم وكل ظالم دمري

ارجعى من تانى مليكة للكون وام لكل حضارة

منك فى الماضي اتعلم الكون فن البناء والعمارة

بس يا خسارة ولادك دلوقتى لم يصنعوا حضارة

والماضى اصبح مجرد ذكرى وشوية حجارة

حجارة مرمية يجي الخلق من كل مكان لاجل يشهدوها

ولما يجوا يستعجبوا اننا احفاد اللى شيدوها

اصلنا اصبحنا من المتخلفين الاغبياء

واجددنا اللى صنعوا الحضارة اعظم العظماء

وعشان للمجد تانى تعودى

اغضبي

ومن تحت رجلينا ارضك زلزلي

يمكن نرجع تانى نبني ونشيد

يمكن نفوء ونرجع من تاني اذكياء

يمكن نصنع بايدنا حضارة ونرجع نعلم الكون فن البناء

نرجع من تانى منبر للعلم

نرجع من تانى مصنع للعلماء

اغضبي ثوري واغضبي

يمكن نفوء اغضبي

هيباتيا

هيباتيا يا استاذة الزمان يا استاذة كل الازمان



ارسل اليكى حبا واشواقا ورسالة شكرا وعرفان



هيباتيا يا من بعقلك سبقتى كل الاذهان



يا من قتلوكى قطيع من الخرفان



قطيع خرفان يتنكر ويدعى انه من بنى الانسان



ولكن من يقتل ويهين استاذة الزمان

هو اقل من ان ينعت بالحيوان

هتقول لمين؟؟

هتقول لمين وتقول ده فين

الشعب اصله انطرش اتقطع لسانه وانخرس

محدش هيسمعك ياللى تتكلم

كله يخاف انه من ودنه يتأرس

ولا يتلف حوله حنش

حنش الظلم اللى منه كام مليون طفش

بأى طريقة دور على الهروب

على ضهر قارب يتقلب فى البحر ويغرق فى لحظة غروب

غروب انسان من الدنيا وهو بيفكر فى الهروب

يهرب من الجوع والجهل والبطالة

نفسه يجيب حق شقة فى عمارة

وانشالله حتى يسكن فيها على المحارة

ومش مهم حتى يجيب السيارة

هرب علشان ملئاش الامان

علشان يقتل الحرمان

علشان لما يحب يتكلم يقدر يتكلم ومايفضلش اخرس جبان

اصل فى بلدنا بيخوفونا بالسجان

والسياف يجيلك لو كنت من الشجعان

لو رفعت صوتك وقلت لا للطغيان

وفى اخر الكلام هقول يا عيني على الجدعان

وحسبي الله هو نعم الوكيل فهو الرحيم والرحمن

بيان انتحاري

اليكم البيان التالى .. بيان عني وليس له علاقة بالوالى

لقد قررت صباح اليوم ان اطيح بكل احلامي

ان اهدم كل افكارى

ان اتخلى عن اوطانى

قررت الصمت

قررت السكوت مثل كل اصحابي

قررت الموت

قررت انا يحيا جسدي فقط

اما انا فقررت الموت

فصمتى يعنى موتى

ولانى تخليت عن افكارى

وقررت ان اتخلى عن احلامي

فاعلن لكم اليوم خبر انتحارى

ويبقى لى ان يحزن علي ...اشقائي واحبابى

ومن كان يريد منى الصمت

فها انا اعلنها له لقد اخترت الصمت

واخترت معه الموت

وفى ختام البيان

اتمنى ان يكون كل صامت غيري فرحان

واخيرا ارسل لكم السلام

ارحل من مدينة العشق

اليوم احمل حقائبي وارحل من مدينة العشق

تاركا ورائي كل النساء التى عشقت

.....

فمن اليوم لن اهوى امرأة جديدة

فلقد اعتزلت الهوى ومن عشق النساء قد برئت

......

احببت ما يكفى من النساء

وتعتب من كثرت ما عشقت

......

ورحيلي اليوم لا رجوع فيه

وان احبتنى امرأة سأجدنى رجعت

قلبي عليكي بيبكي

قلبى عليكى يابلدى بيبكي بالدم


شعبك فى ضلاله عاش وبحاله فرحان


جهل وفقر وغباء على الكل عم


الغلط بقى طريق الكل والصح بقى خبر كان

امة العار

اه يا امة الجبن يا امة العار

يا امة كانت يوم اقوى من الاعصار

يا امة تركت العزة تركت المجد وتغطت بالغبار

لقد اندثرت امتى تحت الانقاض

انقاض الشرف والفخر انقاض الحضارة

لم تعد لدينا الكرامة

بعنا كرامتنا وابتعنا بثمنها الخسة والمرارة

ابتعنا التجارة

امتلكنا النفط والماس وابراج من حجارة

وتركنا الوحدة والعروبة وشتتنا الامارة

تركنا الدين وتكالبنا على الدنيا

وضاعت الاخوة وضاع ما تركه محمد من تعاليم ووصايا

بني صهيون والحاكم الملعون

لا فرق بين بنى صهيون وبين الحاكم الملعون

بنى صهيون يقتلون الطفولة والحاكم الملعون قتل فى عائشة الطفولة

فاين ذهبت نخوتنا اين ضاعت الرجولة

هل سندع حاكم ملعون يقتل بابنائنا الطفولة؟

يقضى على ما تبقى فينا من رجولة؟

يمارس فينا افعاله الفاضحة بمنتهى الفحولة؟

يزيد من طغيانه ويشبع رغباته السلطانية المجنونة؟

افيقوا يا امة محمد من تلك الغيبوبة

يا امة العرب افيقوا واتحدوا وانقذوا العروبة